Asociación Astronómica Sirio

A Asociación Sirio participa este ano na Noite Internacional de Observación da Lúa ampliando as prazas da súa tradicional visita guiada dos sábados ao Observatorio Astronómico de Cotobade e adaptando a súa temática aos obxectivos «luares» desta noite internacional.

Hai 60 prazas para esta actividade e podes facer a túa reserva no apartado de visitas guiadas.

Esta Noite Internacional de Observación da Lúa é un evento público anual a escala mundial que fomenta a observación, apreciación e coñecemento da nosa Lúa así como a súa conexión coa ciencia e a exploración planetaria. Todos os habitantes da Terra están invitados a participar neste evento, sexa como anfitrións ou como asistentes dunha actividade de observación da Lúa. Para máis información podes visitar https://moon.nasa.gov/observe

Sábado 3 de agosto  de 2024, a partir das 22.30h, no Castro de Troña, Pontevedra.

Organiza: Concello de Ponteareas

Observación astronómica no marco de Ponteverán 2024.

Observación astronómica no Observatorio de Cotobade, (18-35 anos), 2 de agosto, de 22.30 a 00.30 h

Prazas limitadas, reservas en https://xuventude.pontevedra.gal/ponteveran/

Venres 9 de agosto de 2024, de 22.30 a 1.30h, na Carreira Ancha, Insua, Ponte Caldelas.

Observación con telescopios, explicación das constelacións de verán e observación de perseidas. Recoméndase levar cadeira, "colchoneta" ou esteira.

Organiza: Concello de Ponte Caldelas

Colaboran: Asociación de Veciños da Insua e Asociación Astronómica Sirio

Andaina nocturna ao Observatorio de Cotobade, 27 de xullo de 2024. Saída desde a Praza da Chan sobre as 22:00. Ofértanse 100 prazas, solicítanse chamando ao teléfono indicado na imaxe. 

Levar roupa cómoda e de abrigo. Lanterna para a andaina (non usar no observatorio).

Observación solar na Tomba, organizada polo concello de Pontevedra. Domingo 16 de xuño de 2024, de 12:00 a 14:00, para adultos e cativada a partir de 6 anos.